– सुनिल उलक
शायद धेरैलाइ यो नाम याद पनि छैन होला । कतिले यो नाम सुनेको पनि छैन होला । यो नाम वास्तवमा नेपालको इतिहासमा सदैव याद गर्नुपर्ने नाम हो ।
तेजवीर बुढाको फोटो शायद पहिलो पटक खुला रूपमा प्रदर्शन गर्ने म नै होला । कुनैवेला कान्तिपुरले ‘ द फेसलेस हिरो ‘ भनेर चिनाएको थियो भने नागरिक न्यूजले अन्य फोटो राखेर यी मध्ये तेजवीर को हुन् भन्ने खुलेको छैन भनेर समाचार बनाएर रिचर्ड रविन्सनले खिचेको फोटो राखेको थियो । जब कि त्यस फोटोमा तेजवीर बुढा थिएनन् ।
२/६ गोर्खा रेजिमेन्टमा लान्स नायक पदमा कार्यरत तेजवीर बुढा पनि सगरमाथा आरोहण टोलीमा सहभागी भएका थिए । सगरमाथाको उत्तरी मोहडाबाट आरोहण अभियान थालिएकोले तिब्बती भरियाको पनि ठूलै संख्या थियो । तर तिब्बती भरियालाई पहिलो र दोश्रो क्याम्प सम्म मात्र जाने अनुमति थियो भने अन्यमा गोर्खा रेजिमेन्टलाई जिम्मा दिइएको थियो । त्यसैले तेजवीर बुढाले जेफ्रि बुस र क्या. फिन्च संग पाचौ क्याम्प सम्म साथ जान पाएका थिए । जेठ १४ को बिहान २६००० फिटको उचाइमा तेजवीर लडे । अगाडी बढ्न सकेनन् जेफ्रि बुस र क्या. फिन्च २७३०० फिट सम्म अगाडी बढे ।त्यसपछि उनिहरूले पनि हार माने । चुचुरा पुग्न कोही सकेनन् ।
यसरी असफल नै भए पनि सगरमाथा आरोहणको अद्भुत साहस देखाएकोले ओलिम्पिक कमिटिले इ.सं. १९२४ मा भएको पहिलो हिउदे ओलम्पिकमा सगरमाथा आरोहणमा सहभागी सबैलाई संयुक्त रूपमा गोल्ड मेडल प्रदान गरेको थियो । जसमा नेपालका तेजवीर बुढाको नाम नेपाल भनेरै लेखिएको छ ।
