किशोर निरौला , मधुमल्ला – मोरङको मिक्लाजुङ गाउँपालिकामा रहेको लायन्स क्लब अफ मिक्लाजुङ र साझा हेल्थ केयर प्रा.ली. मधुमल्लको संयुक्त आयोजनामा यस क्षेत्रका नागरिकहरुलाई लक्षित गरि आइतबार बाट निःशुल्क शुगर र प्रेसर परिक्षण कार्य सुरु भएको छ । आइतबार बाट सुरु भएको निःशुल्क शुगर प्रेसर परिक्षण कार्यलाई एक बर्ष सम्म निःशुल्क रुपमा नै संचालन गरिने लायन्स क्लब अफ मिक्लाजुङका अध्यक्ष छत्र डाँगीले बताए ।
मानिवय सेवामा सहयोग गर्ने उद्धेश्यले स्थापित लायन्स क्लब अफ मिक्लाजुङले पछिल्लो समय समुदाय स्तरमा सुगर र प्रेसरका बिरामीहरुको संख्या बढ्दै गएकाले रोगको पहिचान गरि उपचारमा सहयोग पुर्याउने हेतुले निःशुल्क कार्यक्रम राखिएको क्लबले जनाएको छ ।
निःशुल्क सुगर प्रेसर परिक्षण कार्य एकदमै राम्रो काम भएको र यसले समुदाय स्तरमा रोगको पहिचान गर्न सहयोग पु¥याउने भएकाले लायन्स र साझ हेल्थ केयर प्रा.लि.को काम प्रशंशनिय भएको कार्यक्रमका प्रमुख अतिथि ताथ मिक्लाजुङ गाउँपालिका उपाध्यक्ष सरला राईले बताइन ।
मिक्लाजुङ क्षेत्रमा बिगत ६ बष अघिदेखी स्वास्थ्य सेवा दिदै आएको साझा हेल्थ केयर प्रालीले समाजीक उत्तर दायित्व अन्र्तगत लायन्स क्लब अफ मिक्लाजुङ संग साझेदारी गरी स्वासथ्य सेवा गर्न पाउँनु खुसिको कुरा भएको साझा हेल्थ केयर प्रा.ली.ले जनाएको छ । निःशुल्क सुगर प्रेसर परिक्षण कार्यक्रममा मिक्लाजुङ वडा नं. ९ वडा सदस्य तारनाथ मगर (कैलाश) वडाध्यक्ष सोमनाथ अधिकारी, लियो क्लब अफ मिक्लाजुङका पदाधीकारीहरु, लायन्स क्लब अफ मिक्लाजुङका पदाधीकारीहरुको उपस्थिती रहेको थियो
