म्याद गुज्रेका खाद्यवस्तुदेखि सावधान

काठमाण्डौ – केहि दिन अगाडि महानगरीय अपराध महाशाखा र वाणिज्य आपुर्ति तथा उपभोक्ता संरक्षण विभागको संयुक्त अनुसन्धान टोलीले शंकास्पद कम्पनी तथा गोदामहरु समेतमा अनुसन्धान गर्दा विभिन्न म्याद गुज्रिएका खाद्य सामग्रीहरु नयाँ लेभलिङ गरी बजारमा बिक्री बितरण गरीएको पाइएको छ। गोप्य सुचना पाए पछि अनुसन्धान गर्दा काठमाण्डौ महानगरपालिका वडा नं. १६ बालाजु स्थितमा अगद नेपाल भेन्चर प्रा. लिले जग्गा तथा सटर भाडामा लिई जस्ताको टहरा बनाई गोदाम गरी राखेको ठूलो परिमाणमा म्याद गुज्रिएका विभिन्न कम्पनीबाट उत्पादित खाद्य सामाग्री बिस्कुटहरुः (Digestive, Crunchy, Coconut Cookies, Butter Cookies, Free-kick), पास्ता, सेवाई, कर्नफ्लेक्स, लगायतका म्याद गुज्रिएका सामानहरुलाई मेसिनद्धारा नयाँ उत्पादन मिति तथा मूल्य रिलेभलिङ गरि थोक तथा खुद्राका लागि बिक्री वितरण गरिरहेको अबस्थामा फेला पारिएको थियो।
यस पस्चात गोदाम तथा भाडाको सटर समेत शिल गरि उक्त कम्पनीका सुपरभाइजर ३१ वर्षीय सुवास खड्कालाई नियन्त्रणमा लिई आवश्यक कारवाहीको लागि श्री बाणिज्य आपुर्ति तथा उपभोक्ता संरक्षण बिभाग बबरमहल काठमाण्डौमा पठाईएको छ । कम्पनीका सञ्चालक प्रभात देव भने फरार रहेका छन् । यस सम्बन्धमा थप अनुसन्धान कार्य भइरहेको प्रहरीले जनाएको छ।