सिआईबीको ईन्सपेक्टर हुँ भन्दै धम्क्याउँदै हिँड्ने युवक पक्राउ

बाँके – कोहलपुर नगरपालिका ११ बसपार्क क्षेत्रमा रहेका होटल तथा पसलहरूमा गइ आफू सिआईबीको ईन्सपेक्टर हुँ भन्दै धम्क्याउने तथा डर त्रास देखाई हिँडेको अभियोगमा सल्यान दार्माकोट गाउँपालिका-२ बस्ने ३२ वर्षीय दिपेन्द्र रोकायलाई शनिबार राति प्रहरीले पक्राउ गरेको छ ।
उनले होटल तथा पसलहरूमा धम्क्याउँदै सर्वसाधारणलाई अनावश्यक हैरानी दिईरहेको अवस्थामा फेला पारी ईलाका प्रहरी कार्यालय कोहलपुरबाट खटिएको प्रहरीले पक्राउ गरेको हो ।
यस सम्बन्धमा आवश्यक अनुसन्धान भईरहेको जिल्ला प्रहरी कार्यालय बाँकेले जनाएको छ ।