सविन घिमिरे ,
गत सोमबार संखुवासभा जिल्लाको मादी नगरपालिकाको वार्ड नम्बर १ मा एकै परिवारका ६ जनाको हत्या गर्ने आरोपीलाई प्रहरीले आज सार्वजनिक गरेको छ । हत्या पस्चात केहि व्यक्तिलाई पक्राउ गरी अनुसन्धान गरिरहेको प्रहरिले शुक्रबार थप एक जनाको अनुसन्धान गर्ने क्रममा सोहि दिन एक छिमेकीलाई पक्राउ गरेको थियो । पक्राउ परेका छिमेकी मादी १ कै लोक बहादुर कार्कीलाई प्रदेश प्रहरी कार्यालयले आइतबार सार्वजनिक गरेको हो । उनलाई इलाका प्रहरी कार्यालयमा पत्रकार सम्मेलन गरेर सार्वजनिक गरिएको हो । प्रदेश प्रहरी कार्यालयका डिआईजी अरुणकुमार बिसीले मादी नगरपालिका १ उम्लिङको खोला गाउँमा ५२ वर्षीय तेजबहादुर कार्की, उनकी श्रीमती ५२ वर्षीया कमला कार्की , आमा ८४ वर्षीया पार्वती कार्की, ३२ वर्षीया बुहारी रञ्जना कार्की , ११ वर्षीय नाती दीपेन कार्की र नातिनी ७ वर्षीया गोमा कार्कीको सामूहिक हत्यामा संलग्नका विषयमा अनुसन्धान प्रक्रिया बारे व्रिफिंग गरेका थिए । तेज बहादुर कार्कीका बुबा ८५ वर्षीय बौद्धमान कार्की भने जिवितै रहेका छन् ।
घटनाको विवरण
आरोपी लोकबहादुर कार्कीलाई सार्वजनिक गर्ने क्रमामा प्रदेश प्रहरी कार्यालयका डिआईजी अरुणकुमार बिसीले घटनाको बारेमा जानकारी दिएका छन् । प्रहरीका अनुसार उक्त सामुहिक हत्या भाद्र २१ गते सोमबार विहान ६ बजे देखि ६:३० को समयामा भएको हो । ४ वटा घटना स्थल रहेको उक्त घटनामा दाउराको चिर्पट प्रयोग गरिएको खुलेको छ । भौगोलिक विकटता र टेलिफोन नेटवर्कको पहुच असहज भएको कारण घटनाको सुचना प्रहरीले सोमबार विहान ९:३० बजे प्राप्त गरेको थियो। सुचना प्राप्त गर्न साथ पछि मादी मुल्खर्कबाट प्रहरी परिचालन गरिएको थियो । त्यस्तै चैनपुर तथा जिल्ला प्रहरी कार्यालय संखुवासभाबाट पनि प्रहरी परिचालन गरियो । प्रदेश १ प्रहरी कार्यालयका डीआईजी अरुण बीसी, संघीय प्रहरी इकाइ कार्यालय धरानका एसपी भीम दाहाल, केन्द्रीय अनुसन्धान ब्युरोबाट खटिएका डीएसपी रुगम कुँवर र संखुवासभाका डीएसपी लालध्वज सुवेदीसहितको टोली अनुसन्धानमा संलग्न भए । २२ गते सबै प्रहरी पुगेपछि अनुसन्धान कार्य संचालन थप संचालन गरिएको थियो । घट्ना स्थल , मृतकको मुजुल्का गरेर थप अनुसन्धानका लागि फोरेन्सिक तथा पोस्ट्मार्टमको लागि शवहरु इटहरी पठाइएको थियो । घटना किन र कसरी भयो भनेर पत्ता लगाउन प्रहरीले विभिन्न कोण बाट घटनाको सुक्ष्म अनुसन्धान गर्यो । अनुसन्धानको क्रममा नगद तथा सुन घरमै भेटिएको थियो। यसले गर्दा सो हत्या लुटपाटको लागि टाढाको मान्छे आएर गरेको नहुन सक्ने आशंकामा प्रहरी पुग्यो । प्रहरीले त्यहा भएका स्थानीय तथा अन्य व्यक्तिबट पनि निरन्तर सुचना संग्कलन गरी अनुसन्धान गरिरहेका थिए । सो क्रममा मादी १ बस्ने मृतकहरुका छिमेकी २५ वर्षीय लोक बहादुर कार्की प्रति अनुसन्धान केन्द्रित भयो । लोकबहादुर प्रति आशंका बढेपछि उनलाई प्रहरीले सोधपुछ गर्न थाल्यो ।यसअघि केही व्यक्तिलाई पक्राउ गरी अनुसन्धान गरिरहेको प्रहरीले शुक्रबार थप एक जनाको अनुसन्धान गरेको र सोहि दिन नै लोक बहादुरलाई पक्राउ गरेको थियो । । लोक बहादुरको घर घटना घटेको घरबाट करिब १ सय देखि १ सय ५० मिटरको दूरीमा रहेको छ।
यसरी घट्यो घटना
हत्या आरोपी लोक बहादुर कार्की यस अघि मलेशिया तथा कतार गएको कुरा खुलेको छ। अन्तिम पटक उनी विरामी भएपछी काम गर्न नसकी घर फर्किएका थिए ।गाउ फर्केपछि उनी गाउमै रहदै आएका थिए । प्रहरीले अनुसन्धान गर्ने क्रममा उनको गतिविधि तथा व्व्यावाहाराबारे स्थानियसंग पनि बुझेका थिए । बुझ्ने क्रममा उनी रिसालु , आक्रामक तथा झगडा गर्ने र नटेर्ने स्वभावको रहेको पाइएको छ ।हाल पनि उनले केहि औषधि पनि सेवन गर्दै आएका छन् । दैनिक क्रीयाकलापमा उनी अल्छि स्वभावको रहेको अनुसन्धानबाट खुलेको छ । लोक बहादुर कार्कीका हजुरबुबाले आफ्नो नातिको विषयमा मृतक तेज बहादुर कार्कीलाई भनिरहन्थे । लोक बहादुर काम गर्न सक्दैन , विरामी छ त्यसैले तेरो जिम्मामा है भनेर हजुरबाले तेज बहादुरलाई लोक बहादुरको हेरविचार गर्नको लागि भनेका थिए । हत्या गरिएको तेज बहादुर कार्की परिवारमा सक्रिय थिए। उनले लोकबहादुर कार्कीलाई बारम्बार सम्झाउने बुझाउने गर्थे । कहिलेकाही गालि पनि गर्थे । अल्छी भैस, काम गरिनस , पैसा कमाउन पर्छ जस्ता कुराहरु गरेर सम्झी रहन्थे तेज बहादुरले लोक बहादुरलाई । यिनै कुराहरु लोक बहादुरको मनमा गडेको हुन सक्ने प्रहरीले बताएको छ । सामुहिक हत्या भएको दिन तेज बहादुर कार्कीले खेताला लाने योजना बनाएका थिए । लोक बहादुरलाई पनि खेताला लाने भनिए बमोजिम सो दिन विहान तेज बहादुर लोक बहादुरलाई खेताला बोलाउनको लागि उनको घर गएका थिए ।लोक बहादुरका बुवा र भाई घास काट्न गैसकेका थिए । लोक बहादुर घरमा एक्लै थिए । उनी रातभरी नसुतेको अवस्थामा थिए र उठेका थिएनन । तेज बहादुरले उनलाई पहिला जस्तै कति अल्छी गरेको उठेको छैनस भनेर उनलाई भनेर खेताला जानको लागि बोलाएको प्रहरीले बताएको छ । केहि समय पछि लोकबहादुर तेज बहादुरलाई पछ्याउदै जाने क्रममा दाउरा थुपारेको ठाउबाट चिर्पट उठाउछन। अलिक तल पुगेपछि पछाडिबाट तेजबहादुरको टाउकोमा प्रहार गर्छन । तेज बहादुर ” मार्यो मार्यो ” भन्दै कराउछन । तेजबहादुरको अवाज सुनेपछि ५२ वर्षीया उनका श्रीमती कमला कार्की,र ३२ वर्षीया बुहारी रञ्जना कार्की बाहिर निस्कन्छन । लोक बहादुरले तेजबहादुरलाई कान्लामा लाडाएर कुट्दै गरेको देखेपछि श्रीमती र बुहारी सोहि तर्फ आउन लाग्छन । खोल्सामा आइ पुग्दा तेजलाई लडाएर लोकबहादुरले तेज बहादुरकी श्रीमती र बुहारीलाई आक्रमण गर्छन । उनीहरुलाई पनि सोहि चिर्पटले प्रहारे गरी खोल्सामा धकेली दिन्छन । त्यहा केहिवेर हल्लाखल्ला जस्तो हुन्छ । आवाज आएपछि २ नाबालक तेज बहादुरका नाति नातिनी ११ वर्षीय दीपेन कार्की र ७ वर्षीय गोमा कार्की बाहिर घरबाट बाहिर निस्किन्छन ।उनीहरुलाई पनि लोकबहादुरले लखेटी लखेटी हत्या गरिदिन्छन । त्यसपछि लोक बहादुर घटनास्थलको घरमा पुग्छन । घरभित्र रहेकी तेज बहादरु कार्कीकी आमा कुदो पकाउदै हुन्छिन । लोक बहादुरले इनको कपाल समाती भित्तामा बजारेर हत्या गरिदिन्छन । त्यहाँ बाट फर्किएर लोकबहादुर आफ्नो घर जान्छन र हत्यामा प्रयोग गरिएको चिर्पट अगेनामा जलाउछ्न । उनी चुप लागेर घरमै बस्छन । अनुसन्धान अनुसार तेजबहादुर कार्कीको लास लडेको छ रे भनेर उनले नै पहिला हल्ला गरेका थिए भन्ने बुझिएको छ। त्यसपछि उनी खुलेआम पत्रकार तथा युटुबरहरुलाईइ अन्तरवार्ता दिदै हिडेका थिए लाश व्यवस्थापनमा सहयोग गर्दै थिए । शुक्रबार उनी पक्राउ परे र प्रहरीले आइतबार उनलाई सार्वजनिक गर्यो ।
प्रहरीको व्रिफिंग अनुसार यस सामुहिक हत्यामा एउटै हतियार दाउराको चिर्पट प्रयोग गरिएको छ भने घटना ४ वटा स्थानमा घटेको छ । घटना कुनै नियोजित षड्यन्त्र नभई आवेगमा तत्काल घटेको हो भने निष्कर्षमा प्रहरी पुगेको छ। भौगोलिक विकटता तथा फोनको नेटवर्क सहज पहुच नहुदा अनुसन्धानमा केहि असारे परेको थियो । लोक बहादुरबाट बारामद गरेको घटनामा प्रयोग भेको रगत लागेको कपडा , फोनजस्ता कुराहरु फोरेन्सिकको लागि मा पठाइएको प्रहरीले बताएको छ । प्रहरीले यस घटनाको थप अनुसन्धान गरिरहेको छ ।
