विराटनगर – विभिन्न युट्युब च्यानल संचालन गरी उक्त च्यानलहरु मार्फत पिडित महिलाको तस्बिर सहित चरित्र हत्या हुने तथा इज्जत प्रतिष्ठामा आच आउने किसिमको सामाग्री प्रशारण गरेको आरोपमा ४ वटा युट्युब च्यानलका संचालकहरुलाई प्रहरीले पक्राउ गरी अनुसन्धान थालेको छ ।
घृणा तथा द्वेष फैलाउने सामाग्रीहरु प्रशारण गरी विद्ध्युतीय कारोबार ऐन , २०६३ अन्तरगतको कसुर गरेकोले काठमाडौ जिल्ला अदालतबाट पक्राउ अनुमती लिई दैनिक खबर युट्युब च्यानलका संचालक प्रदिप भण्डारी , हरेक पलको खबर युट्युब च्यानलका संचालक शिशिर अधिकारी , सारैचुली मिडिया युट्युब च्यानलका संचालक पिन्कला कार्की र मोडर्न अनलाइन टिभि युट्युब च्यानलका संचालक रोधन तामाङ्गलाई बुधबार पक्राउ गरी अनुसन्धान भइरहेको प्रहरी प्रधान कार्यालय साइबर ब्युरोको प्रेस विज्ञप्तिमा जनाइएको छ ।
