भोजपुरमा थप पाँच जनामा कोरोना संक्रमण

भोजपुर  –  भोजपुरको षडानन्द गाउँपालिका दिंग्लाका ५ जनामा कोरोना संक्रमण पुष्टि भएको छ । संक्रमण पुष्टि हुनेमा १७, १९, २९, ३०, ३२ वर्षका पुरुषहरू रहेका भोजपुरका प्रहरी प्रमुख डिएसपी नरबहादुर सलामी मगरले बताए ।संक्रमित पाँचै जना भारतबाट आएको खुलेको छ । सुनौली नाका हुँदै १३ जेठमा आइपुगेका उनीहरूलाई अरुण गाउँपालिकाको जरायोटारमा बनाइएको क्वारेन्टाइनमा राखिएको थियो ।

यससँगै भोजपुरमा संक्रमितको संख्या ६ पुगेको छ भने प्रदेश नम्बर एकमा २ सय ६ पुगेको छ । यअघि भोजपुरको हतुवागढी गाउँपालिका होम्ताङमा एक जनामा कोरोना संक्रमण पुष्टि भएको थियो ।