नेपाल साफ च्याम्पियनशीपको फाइनलमा प्रवेश

काठमाण्डौ – साफ च्याम्पियनसिप अन्तर्गतको फुटबलमा नेपालले ऐतिहासिक सफलता पाएको छ । २८ वर्षको साफ इतिहासमा नेपाल पहिलो पटक फाइनल प्रवेश गरेको छ । बंगलादेशविरुद्धको आजको खेल १-१ को बराबरीमा टुंगिए संगै नेपालले ७ अंकका साथ फाइनलको बाटो तय गरेको हो । बंगलादेशका सुमन रेजाले नवौं मिनेटमा पहिलो गोल गरेपछि नेपाल दबाबमा परेको थियो। तर ८७ औं मिनेटमा अञ्जन विष्टले पेनाल्टी मार्फत सहजै गोल गरेपछि नेपालले सो खेललाई बराबरीमा रोक्न सफल भएको थियो।
आज राति ९:४५ बजे हुने भारत र माल्दिभ्सको खेलपछि नेपालको फाइनल प्रतिद्वन्द्वीको टुंगो लाग्नेछ । भारतलाई जसरी पनि जित्नै पर्ने दबाब छ भने माल्दिभ्सलाई बराबरीमात्रै भए पुग्छ ।