प्रोत्साहन स्वरुप राष्ट्रिय फुटबल टिमका खेलाडीहरुलाई जनही ५ लाख दिने सरकारको निर्णय

काठमाण्डौ -सरकारले साफ च्याम्पियनसिप २०२१ को उपविजेता नेपाली फुठबल टोलीका खेलाडीहरुलाई जनही ५ लाख रुपैयाँ प्रदान गर्ने निर्णय गरेको छ। त्यस्तै गरेर मन्त्रिपरिषद्को सोमबार बसेको बैठकले प्रशिक्षकहरुलाई ३-३ लाख रुपैयाँ उपलब्ध गराउने निर्णय गरेको सञ्चारमन्त्री ज्ञानेन्द्रबहादुर कार्कीले जानकारी दिएका हुन। खेलाडीहरुलाई प्रोत्साहन स्वरूप नगद पुरस्कार प्रदान गर्न लागिएको उनले बताएका छन् ।

नेपाली टिम माल्दिभ्समा भएको साफ च्याम्पियनसिप खेलेर सोमबार स्वदेश फर्किएको छ।