धरानमा पहिरोले घर पुरिँदा एकै परिवारका दुई बालबालिकाको मृत्यु

सुनसरी- सोमबार रातिदेखि लगातार परेको पानीले सुनसरीको धरानमा पहिरो गई घर पुरिँदा एकै परिवारका दुई बालबालिकाको मृत्यु भएको छ । धरान उपमहानगरपालिका वार्ड न १३ नागेश्वर मार्गका निसान राईकी छोरी ८ बर्षीया निसु राई र ४ बर्षीय छोरा निहान राईको घर पुरिँदा मृत्यु भएको इलाका प्रहरी कार्यालय धरानले जानकारी दिएको छ । आज दिउँसो करिब २ बजे घरमाथिबाट पहिरो खस्दा निसान राईको टिनको छाना भएको एक तले घर पुरिएको प्रहरीले जनाएको छ । पुरिएको घरबाट इलाका प्रहरी कार्यालय धरानको टोलीले दिउँसो मृतक दुई बालबालिकाको शव निकालेको छ।