काठमाडौं – चर्चित र्यापर समिर घिसिङ ‘ भिटेन’ को नयाँ र्याप गीत ‘ गल्लि सडक ‘ सार्वजनिक भएको छ । गल्लि सडक ‘ भिटेन म्युजिक ‘ युट्य्युब च्यानलमा हेर्न सकिन्छ । केहि समय अघि अश्लील गीत गाएको आरोपमा पक्राउ परेका भिटेनको यस गीतमा पनि केहि मात्रामा अपशब्दको प्रयोग गरिएको छ । त्यसो त केहि अन्तरवार्तामा भिटेनले हरेक गीत तथा र्याप सबैको लागि सुन्न उपयुक्त हुन नसक्ने र यसलाई सबैले सुन्ने पर्छ र मन पराउने पर्छ भन्ने बाध्यता नरहेको बताउदै आएका छन् ।
समीरको आफ्नै संगीत , कन्सेप्ट तथा अभिनय रहेको यस म्युजिक भिडियोलाई जेम्स लामाले निर्देशन गरेका छन् । बिशेष महर्जन निर्माता रहेको यस म्युजिक भिडियोको सिनेमाटोग्राफीमा जेम्स लामा सहित राजन पुरी र अनिश गैरे रहेका छन् ।
