विराटनगर – लाइसेन्स वितरणलाई सहज बनाउन माग गर्दै विराटनगरमा युवाहरूले प्रदर्शन गरेका छन् । विकल्प एन्ड अल्टरनेटिभको आयोजनामा विराटनगरका युवाहरूले विराटनगरको ट्राफिक चोकमा विभिन्न प्ले कार्ड सहित आइतबार प्रदर्शन गरेका थिए।
वर्तमान अवस्थामा मोटरसाइकल हरेक नेपालीको निम्ति नितान्त आवश्यकताको साधन भइसकेको अवस्था छ । मोटरसाइकल नेपाली नागरिकहरूको जीविकोपार्जनसँग प्रत्यक्ष जोडिएको सवाल हो । लाइसेन्स मोटरसाइकल सँगै प्रत्यक्ष जोडिएर आउने बैधानिक इजाजतपत्र हो, जुनकुरा साधन गुडाउन राज्यले अनिवार्य गरेको छ । महँगोमा सवारी साधन खरिद गरेपनि एउटा नेपालिलाइ लाइसेन्स लिन भने त्यति सहज छैन । बर्ष दिनसम्ममा एकपटक मात्र लाइसेन्स खोलिने जस्ता प्रवृत्तिले नागरिकहरू यसबाट वञ्चित भई अनावश्यक दुख र सास्ती भोग्नुको साथै बिना लाइसेन्स साधन गुडाउन बाध्य छन् । हाल अनलाइन फर्म भर्ने देखि लिएर ट्रायल, नबिकरण, स्मार्ट लाइसेन्स आदिमा पनि निकै समस्या रहेको गुनासो धेरै सेवाग्राहीहरुको छ । प्रक्रिया पुर्याएर लाइसेन्स पाउँने हरेक नेपाली नागरिकको अधिकार हो भन्ने कुरालाइ ध्यानमा राखी सम्बन्धित निकायले लाइसेन्समा रहेका समस्या समाधानको निम्ति पहल गरि, नागरिकहरुको दैनिक जीवन सहज बनाउन आवस्यक छ भन्ने उद्धेश्यका साथ विराटनगरका युवाहरुको उपस्थितिमा ध्यानाकर्षण कार्यक्रम आयोजना गरिएको आयोजक विकल्प एन अल्टरनेटीभका निर्देशक वसन्त अधिकारीले जानकारी दिए ।
