दार्जिलिङ्ग – बुधबार दिउसो तमिलनाडूको कुन्नुर नजिकै भएको हेलिकोप्टर दुर्घटनामा परि नेपाली मुलका हवल्दार सतपाल राईले पनि ज्यान गुमाएका छन् । भारतका चिफ अफ डिफेन्स स्टाफ विपिन रावतका पीएसओको रुपमा रहेका राई दार्जिलिङ्ग तकदा चियाकमान निवासी हुन् । हिजो निलगिरिमा भएको दुर्घटनामा भारतका चिफ अफ डिफेन्स स्टाफ विपिन रावत र उनका पत्नी सहित अन्य ११ जनाको मृत्यु भएको थियो । सोहि दुर्घटनामा परि हवल्दार सतापाल राईको पनि मृत्यु भएको हो । राई ५/११ गोर्खा रेजिमेन्टका सिपाही पनि थिए। उनको आमा , पत्नी र एक छोरा छन् । राइका छोरा विकल राई पनि भारतीय सेनामा नै कार्यरत छन् ।
