चितवन – जिल्ला प्रहरी कार्यालय चितवनले नेटवर्किङ व्यवसायमा संलग्न भएर ठगि गर्ने तीन जनालाई पक्राउ गरेको छ । पक्राउ परेका आरोपीहरु क्यु नेट नामक नेटवर्किङ्ग विजिनेसमा संग्लग्न रही सर्वसाधारणलाई ठगिएको पाइएपछि उनीहरुलाई प्रहरीले नियन्त्रणमा लिएको हो।
पक्राउ पर्नेमा २८ वर्षीय भारतीय नागरिक जितेश वर्मा, अर्का भारतीय नागरिक ३४ वर्षीय अङ्कित शर्मा र भरतपुर- २६ का ३६ वर्षीय सरोज घिमिरे रहेका छन् । उनीहरूलाई भरतपुरमा रहेको सिजी ल्याण्डमार्कको फर्न रेसिडेन्सी चितवन होटलबाट नियन्त्रणमा लिइएको प्रहरीले जनाएको छ।
प्रहरीका अनुसार उनीहरुलाई होटलमा केही मानिस जम्मा गरेर नेटवर्किङमा लाग्न प्रेरित गरिरहेको अवस्थामा पक्राउ गरिएको थियो। उनीहरूलाई नियन्त्रणमा लिएर अदालतबाट म्याद थप गरी थप अनुसन्धान अगाडि बढाइएको छ।
पक्राउ परेकाहरु विरुद्ध पिडितहरुले ठगी मुद्दामा प्रहरी कार्यालयमा जाहेरी दिइसकेका छन्। ‘क्यु नेट’ दर्ता पनि नगरिएको र क्यु नेट ठग्ने उद्देश्यले संचालनमा रहेको प्रारम्भिक अनुसन्धानमा खुलेको बताइएको छ ।
