किशोर निरौला /मधुमल्ला – मोरङको उर्लाबारी नगरपालिकामा रहेको नमुना बालगृहका बालबालिकाहरुलाई शनिबार न्यानो कपडा वितरण गरिएको छ । महिला विकास तथा बालबालिका चेतना केन्द्रद्वारा सञ्चालित मोरङको उर्लाबारि ७ मा रहेको लायन्स नमुना वालगृहका ५४ जना बालबालिकाहरुलाई न्यानो कपडा अन्तर्गत ज्याकेट तथा ट्राउजर वितरण गरिएको हो । जाडोको समयमा केहि हदसम्म भएपनि न्यानोपन दिलाउन सहयोग पुर्याउने उद्धेश्यले बालबालिकाहरुलाई न्यानो कपडा वितरण गरिएको नेपाली कांग्रेस मिक्लाजुङका सभापती बबि कुमार राईले बताउनु भयो । राईको पहलमा, काठमान्डांैका दाता पेमा जङ्बु सेर्पा (घिसि ङ्वाङ योन्तेन)ले सो सहयोग उपलब्ध गराउनु भएको हो ।
बि.स.२०५७ मा स्थापना भएको सो बालगृहमा हाल ६१ जना घरबार विहिन तथा विविध कारणले बुबा आमाबाट टाढा हुन पुगेका बालबालिका रहेका छन । हाल सोे केन्द्रमा २ महिनाका अनाथ बालबालिका देखि २० बर्ष उमेर सम्मका बस्दै आएका छन् । सो बाल आश्रममा बालबालिकालाई शिक्षा दिक्षाका लागि वालगृह संगै कक्ष ३ सम्मको प्राथमिक विद्यालय “नमुना वालविकाश केन्द्र” सन्चालन गरिएको सो बाल विकाश केन्द्रका व्यवस्थापन समितिका अध्यक्ष तथा संस्थाका संस्थापक समितिका अध्यक्ष प्रलाद थापाले बताउनु भयो ।
