अलविदा लता मंगेशकर

प्रसिद्ध भारतीय गायिका लता मंगेशकरको निधन भएको छ । आइतबार बिहान ८:१० तिरको समयमा उहाको ९२ वर्षको उमेरमा निधन भएको हो । कोभिड संक्रमित भएपछि अस्पताल भर्ना गरिएको उहालाई केहि समयदेखि मुम्बईस्थित ब्रिच क्यान्डी अस्पतालको आईसीयू कक्षमा उपचार गरिँदै आएको थियो ।
मंगेशकरले ३६ भाषामा ३० हजार बढी गीत गाउनु भएको थियो। उहाको नेपाली गीतहरु पनि श्रोता माझ प्रख्यात छन् । मंगेशकरले भारतका प्रतिष्ठित भारत रत्न, पद्मभुषण, दादासाहेब फाल्के अवार्ड लगायत पुरस्कार र सम्मान पाउनु भएको थियो ।
लता मंगेशकरको निधन पश्चात भारतका राष्ट्रपति राम नाथ कोविंद, प्रधानमन्त्री नरेद्र मोदी, केन्द्रीय मन्त्री नितिन गडकरी तथा अन्य नेता तथा व्यक्तित्वहरुले दुख व्यक्त गरेका छन्।