१२ वर्षीया बालिकाको हत्यामा संलग्न भएको आरोपमा गिरी पक्राउ

लेटाङ – मोरङको लेटाङ नगरपालिका-८ ज्यामिरेकी १२ वर्षीया करुणा राईको हत्याको आरोपमा प्रहरीले एक जना गिरी थरका ६४ वर्षीय वृद्ध पुरुषलाई शुक्रबार पक्राउ गरेको छ। विद्यालयबाट घर फर्किने क्रममा बाटोमा एक्लै भेटिएकी बालिकालाई गिरीले नियन्त्रणमा लिएर बलात्कार गरेर हत्या गरेको स्विकार गरेको मोरंग प्रहरी प्रमुख एसपी जनार्दन जिसीले जानकारी दिनुभयो । उहाले घटनाको थप अनुसन्धान भइरहेको बताउनुभयो ।

लेटाङको जाँते माध्यमिक विद्यालयको कक्षा ६ मा अध्ययनरत करुणा विद्यालयबाट घर फर्किने क्रममा गत बुधबार साँझदेखि हराइरहेकी थिइन् । राईको शव लालझोडा सामुदायिक वनको जंगलमा खाल्डो खनेर गाडिएको अवस्थामा भेटिएको थियो ।

सम्बन्धित समाचार ; गाडिएको अवस्थामा बालिकाको शव भेटियो – कालोपर्दा (kaloparda.com)