ह्याकिङ समूह एनोनिमसले पुटिनको सरकार विरुद्ध ‘साइबर युद्ध’ घोषणा

पुटिनले युक्रेनमा रुसी आक्रमण सुरु गरेपछि ह्याकिङ समूह एनोनिमसले रुसविरुद्ध “साइबर युद्ध” घोषणा गरेको छ। समूहले बिहीबार राति रुसलाई यस्तो चेतावनी दिएको हो । समुहले एनोनिमस समूह आधिकारिक रूपमा रूसी सरकार विरुद्ध साइबर युद्धमा रहेको ट्वीट गरेका छन् ।

The Anonymous collective is officially in cyber war against the Russian government. #Anonymous #Ukraine

— Anonymous (@YourAnonOne) February 24, 2022

उनीहरूले “रूसी प्रचार स्टेशन आरटी न्यूज” को वेबसाइट हटाउन सफल भएको भन्दै ट्वीट गरेका थिए । यद्यपि यो साइट हाल चलिरहेको देखिन्छ।

The #Anonymous collective has taken down the website of the #Russian propaganda station RT News.

— Anonymous (@YourAnonOne) February 24, 2022

मेल संचार माध्यमको अनुसार रुसले युक्रेनमाथि आक्रमण गर्नुभन्दा केही समयअघि नै आफ्नै साइबर आक्रमण गरेको थियो। यस
साइबर आक्रमणबाट देशका बैंक र सरकारलाई निशाना बनाएको बताइएको छ । अनोनिमसले आफ्नो अर्को एकाउण्ट मार्फत उनीहरु रूसी संघ विरुद्धको कार्यमा संलग्न रहेको बताएका छन्। अनोनिमसले आफ्ना अनुयायीहरूलाई अहिले बम विष्फोट भइरहेको युक्रेनीहरूको जुत्तामा आफूलाई राख्न आग्रह गरे।  ट्वीटमा उनीहरुले आफुहरुले विश्व शान्ति चाहेको बाताएक छन्।

Put yourselves in the shoes of the Ukrainians being bombed right now. Together we can change the world, we can stand up against anything. It is time for the Russian people to stand together and say "NO" to Vladimir Putin's war.
We are Anonymous.
We are Legion

Expect us.

— Anonymous (@YourAnonNews) February 24, 2022

साइबर समूह एनोनिमसले यो भन्दा पहिला कु क्लक्स क्लान र आइएसआइएस जस्ता समूहहरूलाई लक्षित गरेका थिए भने गत वर्ष एलोन मस्कलाई चेतावनी दिएका थिए। उनीहरूले क्रिप्टोकरेन्सी बजारमा एलन मस्कले धेरै शक्ति जमाएकोले उनलाई लक्षित गर्ने योजना बनाएको जनाएका थिए ।