कास्की – आफू नेपाली सेनाको क्याप्टेन हु भन्दै विभिन्न व्यक्तिलाई ठगि गरेको आरोपमा एकजना पुरुष पक्राउ परेका छन् । आफु नेपाली सेनाको क्याप्टेन रहेको र हाल मिसनको लागि विदेशमा रहेको तथा आफूसँग सेनाको ठूला ठूला मानिससँग चिनजान भएको कारण सिंगापुर पुलिस, नेपाली सेनाको सेकेण्ड लेप्टेन र सिपाही पदमा नोकरी लगाई दिने भन्दै ३ जना व्यक्तिहरूबाट नेपाली रुपैया नौ लाख पचहत्तर हजार एक सय चालिस रुपैयाँ ठगी गरेको भन्ने सूचनाको आधारमा जिल्ला ओखलढुङ्गा मानेभञ्ज्याङ गा.पा. वडा नं. ५ घर भई जिल्ला कास्की पोखरा म.न.पा. वडा नं.१० अमर सिंहचोक बस्ने वर्ष ३८ को अर्जुन कटुवाल भन्ने धन बहादुर परियारलाई प्रहरीले पक्राउ गरेको हो ।
पक्राउ गरी अनुसन्धान गर्दा कटुवालको साथबाट नेपाली सेनाको सहसेनानी अर्जुन कटुवालको नाममा बनाएको नक्कली परिचयपत्र, नेपाली सेनाको सहसेनानी पदको दर्ज्यानी चिन्ह र अर्जुन कटुवाल नामको चेसप्लेट लगाएको नेपाली सेनाले प्रयोग गर्ने चुस्ता १ सेट, हरियो ज्याकेट, बेल्ट, दाप सहितको खुकुरी, तुमलेट, सेनाको लोगो भएको गेमड्रेस र ट्रायकसुट, विभिन्न व्यक्तिहरूको नामको उपसेनानी पदको उम्मेदवारहरूको फाराम, सिपाही पदको परिचय पत्र, खालि परिचयपत्रहरू र बा ८४ प ६९८८ नम्बरको मोटरसाइकल बरामत गरिएको जिल्ला प्रहरी कार्यालय कास्कीले बताएको छ। . उनलाई ठगी, आपराधिक बिश्वासघात तथा आपराधिक लाभ (एक्सटर्सन) सम्बन्धी कसूरमा कास्की जिल्ला अदालतबाट ७ दिन म्याद थप गरी अनुसन्धान प्रकृया अगाडी बढाइएको छ ।
