नेपालका पार्कर खेलाडी तथा ५ पटक गिनिस वर्ल्ड रेकर्डमा नाम लेखाउन सफल दिनेश सुनारलाई सम्मान गर्दै अमेरिकाको आहाओ राज्य अन्तरगत एक्रोन शहरले २१ अप्रिल २०२२ लाई ‘ दिनेश सुनार डे ‘ घोषणा गरेको थियो। त्यहाका मेयर डेनियल होरिगले आफ्नो कार्यलयमा एक कार्यक्रमको आयोजना गरी सुनारलाई सम्मान गर्दै हिजो ‘ दिनेश सुनार डे ‘ घोषणा गरेको हुन् ।
कार्यक्रममा बोल्दै मेयर होरिगले दिनेश सुनारको पारकर खेल प्रति गरेको मेहनतको प्रशंसा गरेका थिए । त्यस्तै सुनारले यस सम्मानले थप उर्जा मिलेको बताउदै यो बर्ष छैटौं पटक गिनिज बूकमा नाम लेखाउने तयारीमा रहेको जानकारी दिएका थिए ।
कार्यक्रममा अमेरिकामा रहेका नेपाली समाजका विभिन्न संघ संस्थाका प्रतिनिधिहरुको पनि उपस्थिति रहेको थियो । खोटाङ्गका दिनेश सुनार पार्कर खेलको अन्तर्राष्ट्रिय प्रतिस्पर्धाहरुमा समेत आफूलाई अब्बल साबित गरेर गिनिज बुक अफ वर्ल्ड रेकर्डमा ५ पटक नाम राख्न सफल भएका खेलाडी हुन् ।
