नेपाली म्यारोडोनाको उपनाम पाएका फुटबलर तथा नेपाली राष्ट्रिय फुटबल टोलीका पूर्वकप्तान मणिविक्रम शाहको ५१ वर्षको उमेरमा राजधानीको थापाथली स्थित नर्भिक अस्पतालमा उपचारका क्रममा २०७५ बैशाख ३१ गते सोमबार साँझ निधन भएको थियो । कलेजोको समस्याबाट पीडित रहेका ५१ वर्षीय शाहको स्वास्थ्य अवस्था गम्भीर बनेपछि निधन हुनु एक दिन अघि अस्पताल भर्ना गरिएको थियो ।
#खेल_जिवन:
सन् १९८१ मा फिफा र एएफसीको सदस्यता पाएपछि नेपालले अन्तर्राष्ट्रिय प्रतियोगिताहरुमा सहभागिता जनाउन पछि सन् १९८३ मा थाइल्याण्डको बैंककमा भएको यू–१३ प्रिन्सेस कपमा नेपाली राष्ट्रिय टोलीबाट मणिविक्रम शाहले प्रतिनिधित्व गरेका थिए । यू–१३ प्रिन्सेस कपमा राष्ट्रिय टोलीबाट पर्नुअघि मणि शाहले १३ वर्षको उमेरमै ठमेल–११ क्लवबाट बी डिभिजन लिग खेलेका थिए ।
सामाग्री स्रोत : जगदिश भण्डारी
सन् १९९३ को दक्षिण एसियाली खेलकुदमा नेपालले स्वर्णपदक जित्दाका प्लेमेकर रहेका ५१ वर्षीय शाहले १७ वर्षको उमेरमा सिनियर राष्ट्रिय टोलीमा डेब्यु गरेका थिए भने सन् १९९७ मा अन्तर्राष्ट्रिय फुटबलबाट सन्यास लिएका थिए।
खेलाडीहरुले आफ्नो खुट्टामा लगाउने जुत्ता किन्न समेत नसक्ने अवस्थाको पारिश्रमिक पाउने सो समयमा त्यसकारण पनि धेरै खेलाडीहरुले खेललाई निरन्तरता दिन सकेका थिएनन् । अन्य खेलाडीको भन्दा बढी अर्थात त्यो समयमा मणिबिक्रम शाहले ७०० रुपैंया तलब पाउने गरे पनि यो रकम पर्याप्त रकम थिएन । बुबा पनि चर्चित खेलाडी र उहाँको चाहाना साथै परिवारको आर्थिक स्थिति केहि राम्रो भएका कारण उनलाई पारिवारिक साथ राम्रो मिल्न पुग्यो र उनले आफुलाइ यस क्षेत्रमा निरन्तरता दिएका थिए ।
उनले सन् १९९८ को बैंकक एशियाडमा नेपालको झण्डा बोक्ने सौभाग्य पाएका थिए । फुटबलबाट एशियाली खेलकुदमा झण्डा बोक्ने उनी एक्ला हुन् ।
