एजेन्सी – कर्म योगी, राज तिलक, बेगुना जस्ता चलचित्र निर्माण गरेका ७७ वर्षीय बलिउड फिल्म निर्माता अनिल सुरीको मृत्यु भएको छ। सुरीको विहिवारका दिन कोरोना सङ्क्रमणका कारण मृत्यु भएको हो ।
उनलाई केहि दिन अगाडीबाट ज्वरो आएको र अवस्था बिग्रँदै गएको उनका भाइ निर्माता राजीव सुरीले बताएका छन् ।
ज्वरो आएका उनलाई लीलावती र हिन्दूजा अस्पतालमा लागिएको थियो तर दुवै अस्पतालले उनलाई भर्ना लिन मानेका थिएनन् ।
त्यसपछि उनलाई बुधवार राती एडभान्स्ड मल्टिस्पेशलिटी अस्पताल लगिएको थियो । बिहीबार सास फेर्नमा समस्या आएपछि उनलाई भेन्टिलेटरमा राखियो । उनको बिहीबार राती ७ बजे निधन भएको बताइएको छ ।
