ताराको टि्वनअटर दुर्घटना ; १४ जना यात्रुको शव भेटियो, पहिचान हुन कठिन

काठमाडौं । मुस्ताङमा दुर्घटनाग्रस्त अवस्थामा फेला परेको तारा एयरको टि्वनअटरमा सवार २२ जनामध्ये १४ जनाको भेटिएको छ । तर ती सबै शवको पहिचान हुन नसकेको पनि नेपाल नागरिक उड्ययन प्राधिकरणले जानकारी दिएको छ।

त्रिभुवन विमानस्थल नागरिक उड्ययन प्राधिकरणका प्रवक्ता टेकनाथ सिटौलाका अनुसार अहिले दुर्घटनास्थलमा एउटा हेलिकप्टर अवतरण गरेको छ । दुर्घटना स्थलमा अहिले ३ जना सेना, चार जना शेर्पा र ९ जना स्थानीयबासीले उद्धार गरिरहेका छन्।