विराटनगर – रोटर्याक्ट क्लव अफ विराटनगर डाउनटाउन, नगर बाल क्लब सञ्जाल विराटनगर र रोटर्याक्ट क्लव अफ विराटनगर को सहकार्यमा १ दिने टेलिस्कोप ह्यन्ड्लिङ वर्कसप विराटनगरमा आज सञ्चालन भएको छ। कार्यक्रम अध्यक्षता नगर बाल क्लब सन्जालका अध्यक्ष, गैातम मण्डल र रोटर्याक्ट क्लब अफ विराटनगर डाउनटाउन का अध्यक्ष क्षीतिज गैातमको अध्यक्षतामा सम्पन्न भएको थियो ।
कार्यक्रमका प्रमुख आतिथ्य श्री आत्मा तिवारीले ग्रहण गर्नुभयो । ६ वटा विद्यालय बाट १४ जना विद्यार्थीहरु वर्कसपमा सहभागी थिए। प्रशिक्षको भुमिका आदित्य झा, उदिप पोखरेल, सुजन दहाल र स्रिजन रोनियारले निर्वाह गर्नुभयो। 
वर्कसपमा खगोल विज्ञान तथा टेलिस्कोपको विस्त्रित जानकारी सेसनहरू मार्फत प्रस्तुत भएको थियो । कार्यक्रम का प्रमुख अतिथि झाले वर्कसपमा बोल्दै विद्यार्थीहरुलाई अनुसन्धानको लागि हौसला प्रदान गर्नु भएको थियो। विशिष्ट अतिथि रोटरी क्लब अफ विराटनगरकी अध्यक्ष रेखा राठीले कार्यक्रमको तारिफ गर्दै यस किसिमका कार्यक्रमका लागी रोटरीको सहयोगी हात सँधै अगाडि रहने प्रतिज्ञा व्यक्त गर्नुभयो । अतिथि रोटेरियन स्रूती साहले पनि थप हौसला प्रदान गर्नु भएको थियो । विद्यार्थीहरुले पनि किताब बाहिरको ज्ञान र केही नयाँ कुरा सिक्न पाउँदा निकै हर्षित भएका थिए। 
