विराटनगर – रोबोटिक्सको क्षेत्रमा आफ्नो दक्षता तथा क्षमता प्रदर्शन गर्नका निमित्त विराटनगरका तीन जना युवाहरु शुक्रबार भारतको दिल्ली प्रस्थान गरेका छन। दिल्लीमा अगस्ट २१ र २२ तारिख आयोजना हुन लागेको दुइ दिने टेक्नोसियन वर्ल्ड रोबोटिक्स च्याम्पियनशीपमा भाग लिन विराटनगरका १८ वर्षीय अनुभव बस्नेत , १८ वर्षीय शुयेस रेग्मी र २४ वर्षीय पवन शर्मा दिल्लि पुगेका हुन। उक्त च्याम्पियनशीपमा मलेशिया, थाईलेण्ड, श्रीलंका, बांग्लादेश, नेपाल समेत गरि ५३ देशका ३ हजार भन्दा बढि टिम सहभागि हुनेछन ।
प्रतियोगितामा विभिन्न रोबोटिक्स प्रतियोगितको विभिन्न क्षेत्रका अलग अलग टिम सहभागि हुनेछन। जसमा रोबोवार, रोबो सॉकर, रोबो डिजाइन आदि प्रतियोगिता समावेश गरिएको छ । विराटनगका तीन युवाहरुको टिम, टिम डिस्ट्रक्टरले रोबो सकरमा नेपालको प्रतिनिधित्व गर्दै सहभागि हुनेछ। प्रतियोगिताको लागि आवश्यक रोबोट युवाहरुले आफै बनाएका छन।
रोबो सकर विश्व रोबोटिक्स च्याम्पियनसिप श्रृंखला को सबैभन्दा प्रसिद्ध चुनौतीहरु मध्ये एक हो। ३ वायरलेस रोबटहरूको टोलीहरूले विपक्षी भन्दा बढी गोलहरू गर्ने उद्देश्यका साथ ठूलो आकारको मैदानको वरिपरि बललाई पछ्याउँछन्। यो एक रोबोटले खेल्ने फुटबल हो। यो खेलले युवाहरूलाई रोबोटिक चुनौतीहरू समाधान गर्ने र विज्ञान, प्रविधि, इन्जिनियरिङ र गणित सिक्दै रचनात्मक रोबोटहरू निर्माण गर्ने अवसर दिन्छ।
रोबाे सकरमा विजय हुने टिमले भारतीय रुपैयाँ १ लाख ७५ हजार र प्रत्येक सहभागीले प्रमाण पत्र पाउने आयोजकले बताएको छ। टिम डिस्ट्रक्टरले यो भन्दा अगाडि विभिन्न राष्ट्रिय तथा अन्तर्राष्ट्रिय प्रतिस्पर्धामा विजय हासिल गरि सकेको छ ।
