काठमाडौं – नेपाली राष्ट्रिय क्रिकेट टोलीका कप्तान सन्दीप लामिछानेविरूद्ध १७ वर्षीया नाबालिगलाई बलात्कार गरेको आरोपमा जाहेरी परेको छ।
जिल्ला प्रहरी परिसर काठमाडौंले आज एक विज्ञप्ति निकालेर लामिछानेविरूद्ध मंगलबार जाहेरी दर्ता भएको पुष्टि गरेको छ।
लामिछानेले ती किशोरीलाई गत भदौ ५ गते काठमाडौं र भक्तपुरका विभिन्न ठाउँमा घुमाउन लगेको र सोही राति आफूमाथि बलात्कार गरेको किशोरीको जाहेरीमा उल्लेख छ। काठमाडौं-९ स्थित एक होटलको ३०५ नम्बर कोठामा आफूमाथि लामिछानेले बलात्कार गरेकाे उनले बताएकी छिन। कप्तान सन्दीप लामिछाने ५ भदौमा नेपाली राष्ट्रिय क्रिकेट टिमसँग नभएको कुरा पनि बाहिर आएको छ ।
व्यवस्थापन केन्द्रमा लगेर स्वास्थ्य परीक्षणसमेत गरिएको प्रहरीले विज्ञप्तिमा उल्लेख गरेको छ। घटनाको प्रहरी वृत्त गौशाला र परिसरले सुक्ष्मरूपमा अनुसन्धान अघि बढाएको जनाएको छ।
त्यस्तै नेपाल क्रिकेट संघ (क्यान) को आकस्मिक बैठक आज बस्दैछ । वैठकमा सन्दिपको मात्र नभएर अरु विषयमा पनि छलफल हुने बताइएको छ । सन्दिपको विषयमा अनुसन्धानको लागि सहयोग गर्ने क्यानका अध्यक्ष चतुर बहादुर चन्दले बताएका छन।
लामिछाने हाल क्यारेवियन प्रिमियर लिग (सिपिएल) खेल्न वेष्ट इन्डिजमा छन् ।
#सन्दिप लामिछाने
