विराटनगर – श्री लक्ष्मी युवा स्पोर्टिङ क्लब जहदा ३ द्वारा आयोजित “जिवन विकास गोल्ड कप नकआउट फुटवल प्रतियोगिता २०७९ ” भोलि अर्थात असोज ८ गतेदेखी शुरु हुन लागिरहेको छ। प्रदेश १ स्थित मोरङ्को ५ नम्बर क्षेत्रका जिल्ला तथा क्षेत्रीय स्तरका खेलाडिहरु रहेका ८ वटा टिम सहभागी हुने गोल्ड्कपको मुख्य प्रायोजक जीवन विकास समाज रहेको छ।
यस खेलको कुल लागत रु.५ लाख मध्ये जिवन विकास समाजले ७५ प्रतिशत बेहोर्ने र बाकी आयोजक लक्ष्मी युवा स्पोर्टिङ क्लबले विभिन्न माध्यमबाट व्यहोर्ने जीवन विकास समाजका संस्थापक योगेन्द्र मन्डलले जनकारी दिनुभयो ।
जहदा गाउँपालिका वार्ड न ३ अगाडि रहेको खेल मैदानमा सन्चालन हुने गोल्ड्कपमा प्रथम हुनेले रु ७५ हजार , कप , मेडल र प्रमाणपत्र ; दोश्रो हुनेले रु ५१ हजार कप , मेडल र प्रमाणपत्र तथा प्रत्येक खेलको म्यान अफ द म्याचले रु १५ सय र कप र फाइनलमा उत्कृष्ट विधाहरुमा पनि नगद रु १५ सय र कप पाउने व्यवस्था रहेको आयोजक लक्ष्मी युवा स्पोर्टिङ क्लबका अध्यक्ष श्रवण राजवङ्शीले जानकारी दिनुभयो ।
नकआउट फर्मेटमा हुने यस गोल्ड्कप फुटबल प्रतियोगिताको सम्पुर्ण तयारी सकिएको जानकारी खेल संयोजक उपेन्द्र राजवङ्शीले बताउनु भएको छ। यस प्रतियोगिताको मुख्य उद्देश्य गाउँगाउँमा फुटबलको झन्डा फहराइ प्रत्येक गाउँबाट राष्ट्रिय स्तरको फुटबल खेलाडी जन्माउनु रहेको आयोजकले एक पत्रकार सम्मेलन मार्फत जानकारी दिएको छ।
भोलिको उद्घाटन खेल पशुपती युवा क्लब दादरवेरिया र हातिबन्धा युवा क्लब भाथिगछ बिच दिउसो २ बजे हुनेछ।
