जीवन विकास गोल्डकप ; पशुपति युवा क्लबद्वारा हातिबन्धा ४ गोलले पराजित

सविन घिमिरे / विराटनगर – लक्ष्मी युवा स्पोर्टिङ क्लबद्वारा आयोजित जिवन विकास गोल्ड कप फुटवल २०७९ ” को उद्घाटन खेलमा पशुपति युवा क्लब दादरवेरियाले हातिबन्धा युवा क्लब भातिगछलाई ४ गोलले पराजित गरेको छ। जहदा गाउँपालिका वार्ड न ३ कार्यलय अगाडि रहेको खेल मैदानमा सन्चालन भएको खेलमा दादरवेरियाको तर्फबाट विशाल शरदारले २८ औं मिनेटमा , हर्क खवासले ४७ औं मिनेटमा , आशिष् खवासले ५५ औं मिनेटमा र शिव कुमारले ५७ औं मिनेटमा गोल गरि आफ्नो टिमलाई विजय बनाएका थिए भने हातिबन्धा युवा क्लबले खेल अवधीभरी कुनै पनि गोल गर्न सकेको थिएन। यो सङ्गै हातिबन्धा युवा क्लब प्रतिस्पर्धाबाट बाहिरिएको छ । गोल्डकपको दोस्रो खेल आज दिउसो ३ बजे रानी युवा क्लब मिल्स एरिया र आयोजक लक्ष्मी युवा स्पोर्टिङ क्लबबीच हुन गइरहेको छ।