इजरायल र जापान पठाइदिन्छु भन्दै रकम ठगी गरेको आरोपमा दुई जना पक्राउ परेका छन्।
पक्राउ पर्नेमा स्याङ्जाका २८ वर्षीय सुसन ताम्राकार र काठमाडौंका ५० वर्षीय योगेन्द्र घले रहेका छन्।
सुसनले इजरायल पठाउने भन्दै १२ लाख र घलेले जापान पठाउने भन्दै ६ लाख लिएर सम्पर्कविहीन भएको पीडितको उजुरीपछि प्रहरीले काठमाडौंबाट पक्राउ गरेको हो।
दुवैलाई थप अनुसन्धान र कारबाहीका लागि वैदेशिक रोजगार विभाग ताहाचल पठाइएको छ।
