गोरखा। भदौ १७- गोरखामा मंगलबार बिहान काठमाडौँबाट आरुघाटतर्फ जाँदै गरेको बस दुर्घटनामा परी २१ जना घाइते भएका छन्।
घाइतेमध्ये १७ जनाको आरुघाट अस्पतालमा सामान्य उपचार भइरहेको छ भने ४ जनाको अवस्था गम्भीर भएकाले काठमाडौँलगायतका अन्य अस्पतालमा रिफर गरिएको छ।
मेडिकल अधिकृतका अनुसार, केहीको खुट्टा फ्याक्चर भएको र केहीको टाउकोमा चोट लागेको छ।
बाग्मती प्रदेश ०१–०६ ख ४१३१ नम्बरको बस चालकले सर्तकता अपनाउन नसक्दा दुर्घटना भएको प्रारम्भिक अनुमान गरिएको छ। स्थानीयवासी र प्रहरीको सहयोगमा उद्धार कार्य जारी छ।
