एजेन्सि -बिल र मेलिन्डा गेट्सको दम्पतीले सम्बन्धविच्छेद गर्ने निर्णय गरेपनि एउटा संयुक्त विज्ञप्तिमा उनीहरूले आफ्नो संस्थाका लागि भने मिलेर काम गर्ने जनाएका छन्।संसारको सबैभन्दा ठूलो परोपकारी कोष स्थापना गरेका जोडी बिल र मेलिन्डा गेट्सको दम्पतीले विवाहको २७ वर्षपछि छुट्टिने निर्णय गरेको सामाजिक सञ्जाल ट्विटरमा उल्लेख गरेका छन्।
धेरै विचार गरेर र आफ्नो सम्बन्धमा धेरै परिश्रम खर्चेर विवाह अन्त्य गर्ने निर्णय गरेको उनीहरुले जनाएका छन। उनीहरूका तीन सन्तान छन्। विल गेट्स माइक्रोसफ्टका भूतपूर्व सहसंस्थापक तथा पूर्वअध्यक्ष हुन भने उनी संसारको सबैभन्दा धनी व्यक्तिमध्ये एक हुन्।
