काठमाडौँ — प्रधानमन्त्री निवास बालुवाटारमा मन्त्रि परिषदको जारि बैठकमा सभामुख अग्निप्रसाद सापकोटा र कांग्रेस सभापति शेर बहादुर देउवा अनुपस्थित छन । परिषद्का अध्यक्षसमेत रहेका प्रधानमन्त्री केपी शर्मा ओलीले आह्वान गरेको बैठकमा राष्ट्रिय सभाका अध्यक्ष गणेशप्रसाद तिमिल्सिना र प्रधानन्यायाधीश चोलेन्द्र शम्शेर जबरा सहभागी भएका छन् ।
वैशाख २७ गते प्रधानमन्त्रीले विश्वासको मत लिनका लागि संसद्को विषेश अधिवेशन आह्वान भएको सन्दर्भमा बसेको बैठकलाई महत्वका साथ हेरिएको छ। कांग्रेस सभापति देउवाले शनिबार प्रेस विज्ञप्ति जारी गर्दै सरकारले अध्यादेश मार्फत संवैधानिक परिषद्सम्बन्धी ऐन संशोधन गर्दै संसदीय मूल्य मान्यता प्रतिकुल र लोकतान्त्रिक अभ्यासमै प्रहार गरेको भन्दै बैठकमा आफूले पनि भाग नलिने र अरु सदस्यलाई पनि भाग नलिन आग्रह गरेका थिए ।
त्यस्तै नेकपा माओवादी केन्द्रका अध्यक्ष पुष्पकमल दाहालले पनि संवैधानिक परिषद्को बैठकमा सहभागी नहुन सदस्यहरुलाई आग्रह गरेका थिए ।
