१८ हजार खाली सिलिन्डर तातोपानी नाका आइपुग्यो

काठमाण्डौ , २ जेष्ठ २०७८- चीनले नेपालको लागि पठाएका अक्सिजनका १८ हजार खाली सिलिन्डर स्थलमार्ग हुँदै तातोपानी नाकामा आइतबार आइपुगेका छन् । उपप्रधानमन्त्री तथा कोभिड–१९ संक्रमण व्यवस्था केन्द्रका संयोजक ईश्वर पोखरेलका प्रेस सल्लाहकार गणेश पाण्डेले जानकारी दिए अनुसार तातोपानी नाकामा सिलिन्डर चीन सरकारले हस्तान्तरण गरेपछि काठमाडौँ ल्याइनेछ। सिलिन्डर अभाव हुन थालेपछि सरकारले चीन सरकारबाट अनुदानमा २० हजार खाली सिलिन्डर ल्याएको हो । यसअघि ४ सय सिलिन्डर नेपाल वायुसेवा निगमको वाइडबडी विमानबाट ल्याइएको थियो । बाँकी १ हजार ६ सय सिलिन्डर पनि जहाजबाट ल्याउने तयारी भइरहेको छ ।

आजै चीनबाट ५५० अक्सिजन सिलिन्डर नेपाल वायुसेवा निगमको वाइड बडीले ल्याउँदै छ । शनिबार पनि ओमनबाट गैरआवासीय नेपाली संघको सहयोगमा ५६० खाली सिलिन्डर नेपाल आएको थियो ।

Featured Image Source : The Annapurna Express