तातोपानी , २ जेष्ठ २०७८- ‘चीन सरकारले नेपालका लागि पठाएका १८ हजार खाली सिलिन्डर तातोपानी नाका आइपुग्यो ‘ भन्ने समचारको विषयमा अन्य केहि समाचार पनि बजारमा आइरहेको छ । केहि अनलाइन साइटहरुमा चीनबाट ल्याईंदै गरेको अक्सिजन सिलिण्डर अनुदान नभई व्यवसायीले ल्याएको भनेर लेखिएको छ । यस विषयमा कलोपर्दाले तातोपानी भन्सार कार्यलयका प्रमुख भन्सार अधिकृत नारद गौतमसंग टेलिफोन संवाद गरेको छ ।
उक्त संवादमा गौतमले हाल चिनबाट सरकारी अनुदान तथा बिभिन्न व्यापारीका विभिन्न स्वास्थ्य सामाग्री हवाई तथा स्थल मार्गबाट आइरहेको तर व्यापारीको कति , सरकारी अनुदानको कति भनेर अहिले नै यकिन नभएको बताए । टेलिफोन संवादमा उनले बन्द कन्टेनरमा रहेको सामान डकुमेन्ट जाच गरेर भेरिफाई गरेपछि मात्र कुन व्यपारीको कति र कुन सामान भनेर थाहा हुने बताए । चीन सरकारले प्रदान गरेको अनुदानको हकमा ,चीन भन्सारले नेपालका प्रतिनिधि बोलाएर डकुमेन्ट सहित हस्तान्तरण गरेपछि त्यो सामान नेपाल आउने जानकारी उनले दिए । हस्तान्तरण पश्चात सरकारले पाएको अनुदानको बारे स्पष्ट हुने उनले बताएका छन । संवादको क्रममा उनले हाल चीन भन्सारले नेपालमा आएका स्वास्थ्य सामाग्रीलाई उच्च प्राथमिकताका साथ पठाउने प्रतिबद्धता गरेको जानकारी दिए । हाल नेपलमा स्वास्थ्य समाग्रीहरु चीनबाट अगाडि बढि रहेको पनि उनले बताए छन।
Featured image source: risingnepaldaily.com
