भेन्टिलेटर आवश्यक पर्यो , कहि पाइएन तर पनि युद्ध जिते

विराटनगर , ३ जेष्ठ २०७८- कालोपर्दाले जेष्ठ १ गते “बाँचिएछ भने अर्को पोस्ट गरौंला साथी भाइहरू ” शिर्षकको समाचार सम्प्रेषण गरेका थियौ । उक्त समाचारमा उल्लेख गरिएको विरामी सन्त बहादुर राजी कोरोना संक्रमित थिए । उनलाई निमोनिया भए पश्चात अस्पतालले भेन्टिलेटर आवश्यकता परेको जानकारी गराएको थियो । तर भेन्टिलेटर कतै पाइएको थिएन । उनले अस्पताल शय्याबाट मार्मिक स्ट्याटस पोस्ट गरेका थिए । “कोभिडले निमोनिया बनाईसक्यो । भेन्टिलेटर चाह्यो भन्ने छ तर पाइएको छैन । सास त फेर्नै सकिन्न । बाँचिएछ छ भने अर्को पोस्ट गरौंला साथी भाइहरू ।” उनको स्ट्याटस थियो । तर सोमबार बिहान उनले अर्को स्ट्याटस पोस्ट गरेका छन । यस स्ट्याटसमा उनले आफ्नो स्वास्थ्यमा सुधार आएको बताएका छन । उनको स्वास्थ्यस्थितिबारे थप भुझ्न कालोपर्दाले उनीसंग टेलिफोन संवाद गरेको थियो ।संवादको क्रममा उनले भेन्टिलेटर कतै नपाइएअपछि विना भेन्टिलेटर नै निको हुदै गएको बताए। उनको कोरोना वार्डमै उपचार गराइएको हो । आफ्नो आत्मबलले पनि आफुलाई साथ दिएको कुरामा उनले सहमति जनाए । हाल उनी निको हुदै गएको र केहि समयदेखि विना अक्सिजन पनि बसि रहेको बताए ।