भेरी अस्पतालमा बिहीबार राति स्वास्थ्यकर्मी कुटपिटमा संलग्न मुख्य आरोपी तुलसीपुर उरहरीका ४३ वर्षीय मानबहादुर रावत एमाले लुम्बिनी प्रदेश कमिटी सदस्य रहेको खुलेको छ । यसअघि तुलसीपुर उपमहानगरपालिकामा सुब्बा रहेका उनले उरहरी गाविस सचिव हुँदै नगरप्रमुख घनश्याम पाण्डेको सचिवालयमा काम गरेका थिए ।त्यतिबेला उनले जनप्रतिनिधि महिलालाई सताएको गुनासो आएको र पटकपटक महिला जनप्रतिनिधिमाथि यौन दुव्र्यवहार गरेको भन्दै उजुरी परेपछि नगरप्रमुख पाण्डेले उनलाई सचिवालयबाट वडा कार्यालयमा जान आग्रह गरेका थिए । वडा कार्यालयबाट उनले ६ महिनाअघि जागिरबाटै राजीनामा दिएका थिए ।
सात वर्षअघि लमहीकी एक महिला कार्यकर्तालाई बलात्कार गरेको आरोप पनि रावतमाथि लागेको थियो । ती महिलाले एक कार्यक्रम सकेर मोटरसाइकलमा घरमा पुर्याउन गएका रावतले जबर्जस्ती करणी गरेको भन्दै प्रहरीमा उजुरी दिएकी थिइन् ।
त्यसपछि लामो समय फरार रहेका उनले पछि अदालतबाट सफाइ पाए । त्यसपछि उनले फेरि राजनीति र जागिर सँगसँगै गरिरहेका थिए । राजनैतिक शक्तिको घमन्ड रहेको उनलाई फेरि बेइज्जति र चिसो भुइले कुतकुत्यायो , फलस्वरुप बिहिबर राति भेरी अस्पतालका चिकित्सक र नर्समाथि आक्रमण गरे।
बिहीबार राति भेरी अस्पतालको आईसीयूमा उपचाररत उनका दाजु डिल्लीबहादुर रावतको मृत्यु भएपछि उनी लगायत भतिजहरु सहितले स्वास्थ्यकर्मीमाथि आक्रमण गरेका थिए । सो आक्रमणको क्रममा चिकित्सकको घाटीसम्म निमोठ्न भ्याएका थिए उनीहरुले । चिकित्सक तथा नर्सहरुले आफ्नो ज्यान बचाउन २ तलाबाट हाल फाल्नुका साथै घण्टौसम्म कोठामा लुक्न परेको थियो । प्रहरीले मानबहादुर रावत सहित अन्य २ जना आक्रमणकारीलाई पक्राउ गरेर ज्यान मार्ने मुद्धा दर्ता गरिसकेको छ । तर भेरी अस्पतालका चिकित्सक तथा नर्सहरुलाई त्यो रातको घटना सम्झिदा अझै पनि कहालि लागेर आउछ । उनीहरु त्रास र पिडाले अझै पनि झस्कि रहेको छन।
