विराटानगर, १६ जेष्ठ २०७८- पूर्वप्रधानमन्त्री एवं जनता समाजवादी पार्टीका नेता बाबुराम भट्टराईले नयाँ बजेटले सिधासादा मतदातालाई ललिपप बाँडेको बताएका छन । अर्थमन्त्री विष्णु पौडेलले शनिबार प्रस्तुत गरेका आर्थिक वर्ष २०७८७९ को बजेटबारे सामाजिक सञ्जाल ट्वीटरमार्फत प्रतिक्रिया दिँदै भट्टराईले अर्थमन्त्रीमार्फत वाचन गरिएको नहुने चुनावको एमाले घोषणापत्रमा कुनै संरचनात्मक परिवर्तनको छनक नपाइएको र सिधासादा मतदातालाई ललिपप बाँडेको देखिएको जनाएका छन ।
उनले ट्विटमा थपेका छन ,” पपुलिज्मममा पनि कुनै सिर्जनात्मकता देखिएन। बजेटमा उनै घिसेपिटेका नारा र कार्यक्रम भेटियो । एउटै नयाँ कुरा एमालेले गोरखामा कुनै उमेदवार नउठाउने बुझियो !’
