विराटनगर, १९ जेष्ठ २०७८- विराटनगरमा मंगलबार राति एक स्वास्थ्यकर्मी प्रहरीबाट कुटिएका छन । ड्युटि सकेर घर फर्कने क्रममा कोशी अस्पतालमा कर्यरत सिनियर अहेब अशोक राजवंशी कुटिएका हुन । उनका अनुसार मंगलबार राति ९ बजेको समयमा विराटनगरस्थित देवकोटा चोकमा ड्युटिमा रहेका प्रहरीले उनलाई लाठि चार्ज गरेका हुन ।
घर फर्कदै गर्दा देवकोटा चोकमा प्रहरीले रोकेको र आफुले स्वास्थ्य कर्मीको परिचय पत्र देखाउद पनि त्यहा खटिएका प्रहरीले खुट्टा तथा ढाडमा लाठिले हानेको उनले जनाएका छन । कुटाइबाट उनको घुडाका भागमा चोट लागेको छ । यस विषयमा थप अनुसन्धान गरी कुटपिट गर्ने प्रहरीलाई कार्वाहि गरिने मोरङ प्रहरीका प्रमुख एसपी सन्तोस खड्काले बताएका छन्।
यो घटना लगत्तै बुधबार दिउसो अस्पताल परिसरमा कोशी अस्पतालका स्वास्थ्यकर्मीमाथि कुटपिट भएको भन्दै चिकित्सक तथा स्वास्थ्यकर्मीहरु आन्दोलित भएका छन ।नेपाल चिकित्सक संघ कोशीको अगुवाईमा भएको आन्दोलनमा चिकित्सक तथा स्वास्थ्यकर्मीले सुरक्षाको माग गरिएको छ ।
