एजेन्सि – अमेरिकाको वाशिंगटन राज्यको लिकर एन्ड क्यानाबिस बोर्डले कोभिडको पहिलो र दोस्रो खोप लगाउनेलाई एक खिल्लि गाजा नि: शुल्क दिने घोषणा गरेको छ । कोरोना खोप प्रोत्साहनको लागि सोमबारदेखि लागु भएको २१ जुलाई सम्म चल्ने “जोइन्ट्स फर ज्याब्स” नामक अभियान अन्तरगत इजाजत प्राप्त गाजा विक्रेताले आफ्ना २१ वर्ष वा सो भन्दा माथिका आफ्ना ग्राहकलाई पहिलो अथवा दोस्रो कोरोनाको खोप लगाएपछि एक खिल्लि तयारी गाजा सित्तैम दिन अनुमति पाएका छन। बोर्डको अनुसार थप गाजाको लागि खोप लिएकाहरुले सोहि दिनमै मात्र सम्बन्धित इजाजतप्राप्त विक्रेतासंग आह्वान गर्न सक्ने छ । राज्यले संचालन गरेको खोप अभियानलाई थप प्रोत्साहन गर्नको लागि अनुमतिप्राप्त गाजा विक्रेताले अभियान चलाउने अनुरोध गरेको कारण यो निर्णय गरेको बोर्डले जनाएको छ।
त्यस्तै बोर्डले ३० जुन सम्म खोप लगाउनेहरुलाई निशुल्क बियर, वाइन जस्ता मदिरा २१ वा शो भन्दा माथि उमेरकालाई निशुल्क दिन सक्ने अनुमति दिएको छ । एरिजोनामा, एक क्यानाबिस औषधालयले खोप लगाएको बदलामा नि: शुल्क रोल गरिएको जोइन्ट (गाजाको) र चुइगमहरु प्रदान गरिरहेको छ । न्यु जर्सीले त्यहाका १३ ब्रुअरीसंग सहकार्य गरेर मे महिनामा खोप लगाएकाहरुलाई निशुल्क वियर बाढेको थियो । अन्य केहि राज्यहरुले कोरोना खोप लगाएकाहरुलाई नगत पुरस्कार जित्न सक्ने योजना पनि चलाइरहेको छ ।
वाशिंगटन राज्य स्वास्थ्य विभागको पछिल्लो तथ्यांकका अनुसार वाशिंगटनका ४४% भन्दा बढी जनसंख्यालाई कोरोना बिरूद्धको पूर्ण खोप दिइसकेको छ । यसैबीच, रोग नियन्त्रण र रोकथाम केन्द्रहरूको पछिल्ला तथ्याङकका अनुसार संयुक्त राज्य अमेरिकाको ४२% भन्दा बढी जनसंख्याले पूर्ण खोप लगाईएको छ।
