विराटनगर – विराटनगर महानगरपालिकाका प्रमुख नागेश कोइरालाको प्रेस संयोजकमा पत्रकार मीनकुमार नवोदित श्रेष्ठ नियुक्त भएका छन् । प्रेस युनियन मोरङका पूर्वअध्यक्ष समेत रहेका नवोदित दुई दशकभन्दा लामो समयदेखि पत्रकारिता र साहित्यमा सक्रिय छन। उनी जेठ १६ गतेदेखि लागू हुनेगरी प्रेस संयोजकमा नियुक्त भएका हुन् ।
घटना र विचार साप्ताहिकबाट पत्रकारिता सुरु गरेका नवोदित सँग दर्शन दैनिक, न्यू सृष्टि दैनिक, विराटपथ दैनिकलगायत पत्रपत्रिकाको सम्पादकीय अनुभव रहेको छ । हाल मकालु टेलिभिजन र कारोबार दैनिकमा आबद्ध नवोदित साहित्यमा समेत सक्रिय छन् ।