विराटनगर- यौन दुर्व्यवहार गरेको आरोपमा विराटनगरबाट प्रहरीले राजेन्द्र ढकाललाई नियन्त्रणमा लिएको छ । गैर सरकारी संस्था महासंघ (गैसस) मोरङका तथा एजुकेसन हेल्पलाईन विराटनगरका अध्यक्ष समेत रहेका विराटनगर–१२ का ५५ वर्षीय ढकाललाई मोरङ प्रहरीले बुधबार सोही ठाउँका १३ वर्षीय एक बालकलाई अप्राकृतिक यौन दुर्व्यवहार गरेको आरोपमा नियन्त्रणमा लिएको हो ।
पिडित बालकको परिवारले दिएको उजुरीका आधारमा ढकाललाई प्रहरीले सोधपुछ र अनुसन्धानको लागि नियन्त्रणमा लिएको मोरङ प्रहरीले जनाएको छ ।
ढकालले बारम्बार ति बालकलाई घरमा बोलाएर अप्राकृतिक यौन दुर्व्यवहार गर्ने गरेको पिडित बालकका परिवारको ओरोप छ । ढकालले बालकलाई पछिल्लो पटक गत १३ भदौमा दुव्र्यबहार गरेको बताइएको छ ।
