काठमाडौं । महजोडी मदनकृष्ण श्रेष्ठ र हरिवंश आचार्यको प्रमुख भूमिका रहेको फिल्म ‘महापुरुष’ले मुलुकका सात सहरमा मोफसल भ्रमण गर्ने भएको छ ।
टूर कार्यक्रम घोषणा गर्दै निर्माताले असोज २५ गते पूर्वी सहर बिर्तामोडदेखि प्रचार अभिनय सुरु हुने जानकारी दिए ।
२६ गते इटहरीको कस्तुरी एकेडेमी र बिराटनगरको सेन्ट्रल मल, २७ गते हेटौंडाको गुप्ता चौर, २८ गते नारायणगढको नारायणी किनार, २९ गते बुटवलको टक्सार कम्प्लेक्स अगाडि र ३० गते पोखरा हल्लन चोकमा मोफसल भ्रमण कार्यक्रम आयोजना हुने भएका छन् ।
मदनकृष्ण श्रेष्ठ, हरिवंश आचार्यसहित फिल्मका कलाकारहरु राजाराम पौडेल, गौरी मल्ल, रविन्द्रसिंह बानियाँ, अरुण क्षेत्री, अञ्जना बराइली, कमेडियन सुमन कार्की र गायक निशान भट्टराई टूरमा सहभागि हुने भएका छन् ।
