काठमाडौं- नेपाली चलचित्र उद्योगकी चर्चित अभिनेत्री करिश्मा मानन्धर आज प्रमुख प्रतिपक्षी दल नेकपा (एमाले)मा औपचारिक रुपमा प्रवेश गर्ने भएकी छन् । मानन्धरसंगै जनता पार्टीको नेतृत्व गर्दै आएका पुर्वमन्त्री प्रेमबहादुर सिंह पनि एमाले पार्टी प्रवेश गर्दैछन् । आज दिउँसो १ बजे पार्टी केन्द्रीय कार्यालयमा अध्यक्ष केपी शर्मा ओलीको उपस्थितिमा प्रवेश गर्ने कार्यक्रम रहेको बताइएको छ ।
करिश्मा मानन्धर यसअघि नयाँ शक्ति पार्टीमा थिइन् । नयाँ शक्ति संघीय समाजवादीमा एकिकरण भएपछि विस्तारै राजनीतिबाट टाढिदै गएकी करिश्मा चुनाव आउन लाग्दा नेकपा एमालेमा आज प्रवेश गर्न लागेकी हुन्।