काठमाडौँ — नेपाली कांग्रेसको सभापति पदका लागि भएको दोस्रो चरणको मतदान भइरहेको छ। पार्टीको केन्द्रीय निर्वाचन समितिका अनुसार राति ८:४५ बजेसम्म करिब ४ हजार ४०० मत खसेको छ ।
सोमबार भएको निर्वाचनमा सभापति पदका प्रत्यासी कसैले पनि ५० प्रतिशतभन्दा बढी मत ल्याउन सकेका थिएनन । यस पछि सबैभन्दा बढी मत ल्याउने शेर वहादुर देउवा र डा. शेखर कोइरालाबीच दोस्रो चरणको निर्वाचनका लागि प्रतिस्पर्धा भइरहेको छ । समितिले अपराह्न ३:३० देखि साँझ ७:३० बजेसम्म पुनः मतदान गर्ने गरी निर्वाचन कार्यतालिका प्रकाशन गरेको भए पनि प्राविधिक कारणले मतदानमा केही ढिलाइ भएको हो ।