विराटनगर , २५ वैशाख २०७८ – कोरोना संक्रमितको मृत्यु संख्या बढ्दै गएपछि शव व्यवस्थापनमा समस्या पर्न थालेको छ । कोरोना संक्रमितको शव व्यवस्थापनको जिम्मेवारी सरकारले नेपाली सेनालाई दिएको छ । सेनाले स्वास्थ्य मापदण्ड पालना गर्दै शव व्यवस्थापन गर्दै आएको छ । तर घरमै मृत्यु भएका सङ्क्रमितको शव व्यवस्थापनमा भने समस्या देखिन थालेको छ ।
यसै समस्याबिच विराटनगरका केहि युवाहरुले पुन: शव व्यवस्थापन गर्न शुरु गरेका छन । सनिबार विराटनगर् वार्ड न ५ स्थित कोरोनाको कारण आफ्नै निवासमा देह त्याग गर्नुभएकी एक महिलाको शव व्यवस्थापन वरगाछी युवा समुह – कोभिड १९ डिसइन्फेक्सन टिमले गरेका छन । गत वर्ष पनि नेपाली सेनासंग मिलेर ५ वटा लाश व्यस्थापन गरि सकेको यो समुहमा विराटनगरका स्थानिय युवाहरु राम नेपाल , दृश्यमान शाक्य , रबिन कार्की , अनुराग भन्डारी र सन्जोग गौतम सकृय छन । उनीहरुले शव व्यवस्थापनको कार्यमा आफै चासो देखाएर समाजको लागि ज्यान जोखिममा पारेर अगाडि बढेको कारण आफुले पनि सहयोग गरिरहेको समाजसेवी दिपक चापागाइले बताउनु भयो । त्यस्तै उक्त शव व्यवस्थापनमा उपस्थित विराटनगर महानगरपालिकाका प्रमुख भिम पराजुलीले युवाहरुको यस प्रकारको सर्हानिय कार्यको लागि महानगरपालिकाले सहयोग गर्ने बताउनुभयो । युवा समुहले महिलाको लाशलाई घरबाट व्यवस्थापन गरी विराटनगरस्थित परोपकार घाटसम्म पुर्याएको थियो । मृतकको अन्तिम संस्कार सकेपश्चात युवाहरुको समुह विराटनगरपालिकाले उपलब्ध गराएको आइसोलेसन सेन्टरमा फर्किएको थियो ।
कोरोनाको महामारीमा देश जुधिरहेको बेला आफुले गर्न सक्ने योगदान गरौ भन्ने सन्देश दिदै वरगाछी युवा समुह आफ्नो ज्यानको बाजि लगाइरहेका छन । तपाइहरुको यस कार्यको लागि कालोपर्दा टिम सल्युट गर्न चाहन्छ । साथै यहाहरुको सुरक्षा र सुवास्थ्यको कामना पनि हामी गर्न चाहन्छौ ।