काठमाडौँ — कांग्रेस सभापतिको निर्वाचन दोस्रो चरणमा प्रवेश गरेको छ । यस लगत्तै शेरबहादुर देउवाले प्रकाशमान सिंह र विमलेन्द्र निधि दुवैको समर्थन पाएका छन् । पहिलो चरणमा देउवासँगै सभापतिको लागि प्रतिस्पर्धामा उत्रिएका उनीहरू दोस्रो चरणमा देउवालाई समर्थन गर्ने पक्षमा उभिएका हुन् ।
अब कांग्रेस सभापतिका लागि शेर बहादुर देउवा र शेखर कोइरालाबीच प्रतिस्पर्धा हुने भएको छ । दोस्रो चरणमा अर्का प्रत्याशी कल्याण गुरुङले पनि देउवालाई नै समर्थन गरेका छन् । कोइरालाविरुद्ध देउवा, सिंह, निधि र गुरुङ एकढिक्का भएका छन् ।
आफूविरुद्ध बाँकी सबै उम्मेदवार एकताबद्ध भएपछि कोइरालाले आफूनिकट नेताहरूलाई बोलाएर रणनीतिक छलफल थालेका छन् ।